Танин мэдэхүй

Жүгдэрдэмидийн Гүррагчаа (1947 оны 12 -р сарын 05) нь Монгол улсаас сансарт ниссэн анхны, дэлхийн 101 дэх, Азийн хоёр дахь хүн юм.

Ж.Гүррагчаа 1947 онд Булган аймгийн Гурванбулаг суманд төржээ

Ж.Гүррагчаа 1966 онд цэргийн албанд татагдаж, 1971 онд ЗХУ-ын Фрунзе хотын нисэхийн дамжаанд суралцаад, 1973 онд Москва хотод Жуковскийн нэрэмжит Агаарын цэргийн академид суралцан төгсчээ. 1978 оноос тэрээр ЗХУ-д Юрий Гагарины нэрэмжит Сансрын нисэгчдийг бэлтгэх сургалтын төвд М.Ганзоригийн хамтаар бэлтгэгдэж эхэлсэн байна. Энэ үед тэрээр ардын армийн ахмад цолтой байв.

1981 оны 3 сарын 22-нд Байконурын сансрын буудлаас ЗХУ-ын сансрын нисэгч Владимир Жанибековын хамт Союз-39 хөлгөөр сансарт хөөрч Салют-6 сансрын станцтай холбогджээ. В.Жанибеков, Ж.Гүррагчаа нар сансарт 7 хоног, 20 цаг 42 минутыг өнгөрүүлж, дэлхийг 124 удаа тойрсоны дараа эх дэлхийдээ амжилттай газардсан юм.

Тэрээр 2000 - 2004 онд Н.Энхбаярын толгойлсон засгийн газарт Батлан хамгаалахын сайдааражиллаж байгаад 2004 онд УИХ-ын сонгуулийн 59-р тойрогт нэр дэвшин өрсөлдөж УИХ-ын гишүүнээр сонгогдсон.

Тэрээр сансарт ниссэнийхээ дараа ЗХУ-ын баатар, БНМАУ-ын баатар цолоор шагнагджээ.

Ж.Гүррагчаа
Интеркосмосын сансрын нисэгч
Иргэншил	Монгол
Төрсөн	1947 оны 12 сарын 5 (65 настай) Бүгд Найрамдах Монгол Ард Улс, Булган аймаг,Гурванбулаг сум
Бусад ажил	Нислэгийн инженер
Цол	Хошууч генерал
Сансарт өнгөрүүлсэн хугацаа	7 хоног 20 цаг 42 минут
Сонголт	1978 оны Интеркосмос
Даалгавар	Союз-39
Даалгаврын тэмдэг

Үргэлжлүүлэх...

БНМАУ болон социалист, капиталист, хөгжиж буй орнуудын харилцаа

Та бүхэндээ өнөөдрийн хичээлээ хүргэж байна. Энэ хичээлээр та нар Монгол улс ямар ямар улстай хэрхэн дипломат харилцаа тогтоож байсан социализмын үеийн Монгол улсын гадаад харилцаа хэрхэн өргөжин тэлж байсан тухай мэдэж авах болно.

Үргэлжлүүлэх...

Өнөөдөр "Дэлхийн Усны өдөр" гуравдугаар сарын 22

 Нэгдсэн Үндэсний Байгууллагаас жил бүрийн гуравдугаар сарын 22-нд Дэлхийн Усны Өдрийг тэмдэглэж байхаар шийдвэрлэсэн бөгөөд албан ёсоор 1993 оноос тэмдэглэж эхэлсэн.

 НҮБ-аас цэвэр усны гачигдалд байгаа олон улс орныг усны гачигдлаас гаргах, цэвэр усны нөөцийг нэмэгдүүлэх, арвилан хэмнэх талаар улс орнуудад уриалсныг Монгол Улсын Засгийн газар талархан хүлээн авч, 2005 оноос хойш “Дэлхийн усны өдөр”-ийг тэмдэглэн өнгөрүүлж байгаа билээ. “Дэлхийн усны өдөр”-өөр салбарын тулгамдсан асуудлуудыг эрх баригчид болон олон нийтийн анхааралд хүргэх зорилгоор жил бүр олон үйл ажиллагаа зохион байгуулдаг билээ. 

Манай сургууль энэ жилээс эхлэн жил бүр уламжлал болгон зохион байгуулхаар болж байна.

Үргэлжлүүлэх...

7-р анги Далайн урсгал хичээл

Далайн усыг салхи гадаргуу дээр нь хөдөлгөөнтэй байлгадаг ба мөн далайн усыг дотор нь мөн хөдөлгөөнд оруулдаг.Үүнийг далайн урсгал гэж нэрлэж байгаа юм. Дэлхийн уур амьсгал, цаг агаар нь далайн урсгалаас хамаарч байдаг.Дэлхийн эргэн тойрон далайн ус тойрог хэлбэрээр урсдаг. Дэлхийн бөмбөрцөгийн хойд хагасаар усны урсгал нар зөв эргэж, өмнөд хэсгээр нар буруу эргэдэг. Нар зөв эргэж байгаа дэлхийн бөмбөрцөгийн хойд хагасын урсгалыг бид дулаан, өмнөд хагасын нар буруу эргэж байгаа урсгалыг хүйтэн урсгал гэж нэрлэдэг. Далайн урсгал өвөл болон зун ялгаатай байдаг. Салхи ямар далайн урсгалыг салхи түрж байна түүнээс шалтгаалан хэрэв дулаан урсгалаас үлээж байгаа бол цаг агаар дулаарч хүйтнээс үлээж байгаа бол хүйтэрч байдаг.

Үргэлжлүүлэх...

7-р ангийханд видео бичлэг

Үргэлжлүүлэх...

7-р ангийханд

Сайн байцгаана уу хүүхдүүд ээ? Та нарын мэдлэгт нэмэр болох үүднээс "Титаник" хөлөг онгоцны тухай орууллаа. Учир нь Дэлхийн Далай хичээлийн үед Мөсөн уул мөргөж сүйрсэн уг хөлөг онгоцны тухай гарсан билээ.




Титаник "Титаник"-ийн мөргөсөн тэрхүү мөсөн уул 15000 жилийн өмнө үүссэн бөгөөд 1909 онд туйлын бүсийн мөсөн голоос салж 1912 онд Атлантын далайн усан зам руу хөвж ирсэн гэж эрдэмтэд үзжээ. "Титаник" анхны аянд гараад живсэн, үхэж үрэгдсэн хүний тоо 1517-д хүрч, дэлхийн далайн аяллын түүхэнд хамгийн эмгэнэлтэй сургамжийн нэг болсон юм. "ТИТАНИК" ЖИВСНИИ НУУЦ 1912 оны 3 дугаар сард Английн "Цагаан од" далайн тээврийн компани хөрөнгө оруулж дэлхий дээр хамгийн тохитой гоёмсог зорчигчийн хөлөг онгоц болох "Титаник"-ийг бүтээсэн бегөөд энэ хөлөг онгоцны усан түрц нь 66000 тонн, тухайн үедээ дэлхий дээр цорын ганц усан түрц нь 4000 тонноос давсан зорчигч тээврийн хөлөг онгоц байсан юм. "Титаник"-ийн анхны аялал нь Англиас Нью-Йорк руу гарсан бөгөөд хөлөг онгоц дээр нийт 2208 хүн байжээ. Анх гарсны дараах хэдэн өдөр далайд салхи тогтуун, давалгаа намуухан байсан авч хөдөлснөөс хойш тавдах өдөр болоход өөрөөр хэлбэл 1912 оны 4 сарын 14-ний шөнө дунд 11 цаг 40 минутын орчимд "Титаник" гэнэтхэн мөсөн уул мөргөж эцэстээ Атлантын далайд живжээ. МУМИГИЙН ХАРААЛ ХҮРСЭН ЯРИА "Титаник" живсний дараа дэлхий дахинаараа доргин донслов. Азаар амьд үлдэгсэд хэдийгээр том хөлөг онгоц үнэхээр мөсөн уул мөргөсөн гэж нотолсон хэдий ч зарим эрдэмтэд тооцоо хийж үзээд "Титаник"-ийн хийц, зохион бүтээлт нь мөсөн уул мөргөлөө ч гэсэн живчихээргүй байсан гэж үзжээ. Тэгээд "Титаник" живсэн шалтгааны талаар маш олон сэжиг таавар гарсны дотор хамгийн нэртэй нь мумигийн хараал хүрсэн гэх яриа юм. 1900 оны орчим археологчид Египетийн эртний булшнаас нэгэн чулуун авс олж гаргасан бөгөөд авсан дээр "Энэ чулуун авсанд хүрсэн хүн цөм сүйрэг" гэсэн хараалын үг сийлсэн байжээ. Удалгүй археологийн хайгуулд оролцсон нэг Англи хүн Англидаа эргэж очоод гэнэт үхсэн, хожим нь бас чулуун авсыг олж гаргахад оролцсон хэд хэдэн археологч ар араасаа үхжээ. Тэгээд музейн газар чулуун авсыг хүн амьтан хүрч үзэмгүй газарт шилжүүлж өч төчнөөн сонсож дуулаад сонирхон үзэхээр ирдэг үзэгчдээс холдуулжээ. Хэдэн жилийн дараа Америкийн нэг ажил хэргийн хүн уг музейд хандаж чулуун авсыг түүнд худалдаач хэмээн хүссэнд сүүлд нь түүний хүсэлтээр бол госон байна. Тэрээр чулуун авс болон мумиг "Титаник"-аар тээвэрлүүлэхээр тийш нь явуулсан юм санж. Тэгээд сүйрэл болсны дараа хүмүүс мумигийн хараал "Титаник"-ийг живүүлсэн гэж үзэх болжээ. ҮЛ МЭДЭГДЭХ НИСДЭГ БИЕИЙН (UFO) ДОВТОЛГОО ЖИВҮҮЛСЭН ГЭХ ЯРИА "Титаник"-аас азаар амьд үлдсэн далайчны гэрчилснээр бол далайн сүйрэл болох үеэр тэд хуягт тавцан дээрээс их далайн дунд хэсэг гайхалтай "чөтгөрийн гал"-ыг үзсэн нь хаанаас болох нь эс мэдэгдэх сүг сүнсний онгоц дээрээс ирж байсан юм шиг байжээ. Эрдэмтэд "Титаник"-ийн үлдэгдэл сэгийг хайж олох төлөвлегеөний дагуу хөлгийн их биеийн зураг бичлэг хийсэн бөгөөд тэндээс усан доор авсан 6 гэрэл зураг дээр хаанаас гарч байгаа нь үл мэдэгдэх 8 хачирхалтай гэрэлт бие гарсан байжээ. Судлаачдын үзэхээр бол эдгээр гэрэлт биес нь агаарт нисдэг тэдгээр үл мэдэгдэх нисдэг биетүүдтэй тун адилхан гэж үзсэн байна. Үүнийг үндэслэн эрдэмтэд "Титаник" санаандгүй үл мэдэгдэх нисдэг биетийн харвасан лазерийн туяаны довтолгоонд өртсөнөөс болж хөлөг онгоц усанд живсэн гэсэн хачирхалтай дүгнэлт хийсэн байна. "Титаник"-ийн их биеийн үлдэл сэг 1986 онд Францын нэгхайгуулын анги умард Атлантын далайн 4000 метрийн гүнээс "Титаник"-ийн сэгийг олсон ба энэ нь уг аварга хөлөг живснээс 74 жилийн дараа анх удаа хүмүүст олдсон хэрэг болж дэлхийг донслуулсан билээ.

Үргэлжлүүлэх...

7-р анги Дэлхийн Далай хичээлийн дүрс зураг

Үргэлжлүүлэх...

7-р анги Дэлхий далай хичээлтэй холбоотой видео бичлэгүүд

Хүүхдүүд та бүхэндээ "Дэлхийн далай" нэгж хичээлтэй холбоотой видео бичлэгүүдийг орууллаа сонирхон үзээрэй.

Үргэлжлүүлэх...

Танин мэдэхүй бүх ангийн сурагчдад зориулав.

 Сайн байцгаана уу? Хүүхдүүд ээ? Та бүхнийхээ энэ өдрийн амгаланг айлтгая. Далайд тусал нэмэр гэдгийн адилаар та бүхнийхээ мэдлэгийн санд тус болох болов уу гэж бодон энэ мэдээллийг орууллаа цаг гарган уншина гэж найдаж байна. 

дэлхийн 7 from Jagaa Lhagva

Үргэлжлүүлэх...

11-р ангийн Хичээл Олон Улсын Харилцаа бүлэг сэдэв

Сайн байцгаана уу хүүхдүүд ээ? та бүхэндээ энэ өдрийн мэндийг хүргэе. Олон улсын харилцаа бүлэг сэдвийн бас нэг чухал хэсэг болох Олон улсын хамтын нийгэмлэг сэдвээр бэлдсэн энэхүү хичээлийг хүргэж байна. Давхар өөрсдөө сайн уншиж судлаарай. Сурагч та нартаа амжилт хүсье!

олон улсын хамтын нийгэмлэг from Jagaa Lhagva

Үргэлжлүүлэх...

Видео Домогт 39 он

Энэхүү клип нь та бүхэнд нэгэн бодол төрүүлэх байхаа гэж бодож байна.

Үргэлжлүүлэх...

9-р анги Халх Голын дайн хичээл

халхын голын дайн2 from Jagaa Lhagva

Үргэлжлүүлэх...

9-р анги Халх Голын дайн

халх голын дайн 3 from Jagaa Lhagva

Үргэлжлүүлэх...